تسمّيني الغلا يابوالغلا وانت الغلا كله
تداعبني تسامرني واذوب برقة اشعارك
ابيك اترجم احساسك بقلبي والجفا خله
انا يا شوق عيني لو تجيني صرت لك دارك
يطول الليل باوصالك فداك الليل وإحتله
انا ليلك وساهرني وانا ربعك وانا ديارك
بعادك لا يصادقني حبيبي غيبتك علّه
اذا ناوي على فراقي امانه
( حطني ازرارك )
لا تسألني كم أحبك
أنا نفسي ماني بقادر
أجيب ..
أنا اللي أعرف وأقدر
أقولك
إنك لقلبي ولجروحي
طبيب ..
وإن قلت أحبك وأحبك
وأبيك مني قريب
ما يعني بس هذا
قدرك لا وربي قدرك
شي صعيب ..
شـكـرا على الجرح والهوجاس واحزاني
شكرا على الياس اللي زارعه فيني
شكرا على الهم .. لو الهم بكاني
شكرا على كل شي منك يبكيني
صدقني انت بعيني منت بالجاني
الجاني القلب كانه دوم مشـقيني
بالغت بالحب .. لين الحب خلاني
اصفق على اللي حصل منك كفيني
شفت (النحل) شرقان!
ويدور الماي!!
من بعد مالامس شفاتك حبيبي..
مالوم من يهواك وان حبك وياي
أغار منه !!
وابغضه لو قريبي !
لولا غرامك عن الباقين معميني
ماأوفيتلك في زمن فيه الوفا نادر
ماجت به أمه بعد من لك ينسيني
إلا إذا مات في قلبي لك الشاعر
وتبدل الدم في مجرى شراييني
وأصبحت أساوي بين النجس والطاهر
الا ياطفل لاتكبر..
كذا اجمل..
كذا اطهر..
كذا لا دين يتراكم..
كذا لا ضغط ولا سكر..
ترى اكبر كذبه عشناها..
(( يالله متى نكبر ))
احلم قد ماتقدر..
واذا خفت ..
خبي احلامك بدفتر..
ترى الايام سراقه ..
والاحلام.. تتبخر
والله اني من عنا وقتي وحيد..
ياعذابي وش بلا وقتي صعب..
المصيبه زاد جرحي من جديد..
والقراده واهبه حبي وهب..
واحد في حالتي مايستفيد..
غير هم وجرح ودموع وغضب..
اشهد انه قالها طلال الرشيد..
لعنبو
وقت
غدينابه
حطب..!
يمينك قد نوت بالشر
ولكن خنجرك عيا
غريبة كيف يرحمنى (جماد)
وانت ما ترحم !!!!
تسقيني إحساس وعلى شربه أدمنت
ولو كل حي تاب ماتبت عنه
أشد وأنزل وفي رحابك توطنت
عمري بقربك ينحسب وسط جنه
إن رحت ولا جيت تبقى كما أنت
الله فرضك وصرت بالعمر سنه
نذر علي والنذر مافيه تبديل ..
ياجارحك مايهتني في منامه ..
قلته وانا قد الليالي المقابيل ..
يبشر بيوم مثل يوم القيامه ..
وإن كان ماني من خيار الرجاجيل ..
عطني البرقع وخذ مني العمامه ..
بكره يمكن أموت
وما ابي أشوف في عيونك دموع
أبي اسمع ضحكتك تضوي الوجود
وأنا بالكفن ملفوف وتحت الأرض مدفون ؟؟؟
هذي وصاتي والقدر على مكتوب !!!
تكفي تذكريني ولو بنثر الورود
وإني بيوم كنت موجود .. وفي بالك محفوظ
أظن اني بحياتك مجرد ورد عجبك وقطفته
ويوم انه ذبل هجرته وناوي على رميه ..
كنت سالي بس قلبي انتفض فضفض كيانه
قلت ياقلبي علامك قمت تلعب في كياني
قال قلبي أتذكرت ( ..... ) هاذا مكانها
كانت تحرجني بلطفها وكانت تغمرني بحنانها
أحبها وما صاري لي غير ذكري حبها
وادعي كل يوم ربي لا يطول غيابها
سلامة عمرك الغالي
وعسى ما ينطفي هالزول
عسى يومي قبل يومك
وليت العمر ينباعي
احبك واحتري شوفك
وشوفك يشفي المعلول
احبك حب ما حبه ابد
حلمان او واعي
ماهقيت الليله اللى جابت الفرقا
طويله..!
لين صارت ليله امس بعينى اطول من
شهرها..!
والعذاب اللى يذوب بعين من يفقد
خليله..!
عندى اكبر من عذاب العين لو تفقد
بصرها..!
احترت اطرش كرت أو باقة زهور
حتى الكلام اللي حفظته نساني
وجيتك انا كلي بلا وعي وشعور
ضايع وأدور فيك مرسى كياني
أصفى من الما في كاس بلور
قلبي صفا لك وابتسم لك زماني
واخضر عشب وغردت بإسمك طيور
في وسط عيني واصدحت بك أغاني
" أسمع صدى صوتك "
وادورك وين انت ..؟
واصيح بين الناس
" سامعك وينك.؟ "
ردوا علي الناس ..
" مسكين ياأنت "
اللي سمعته ..
" بين نفسك وبينك "
الصوت هذا مصدره
داخلك انت ..!!
في وسط قلبك ساكن
" نور عينك "
هو طفلي وأدري يبي يلعب ويتدلع
لجل هذا انا تارك له أشواقي تلاعبه
دخيل الله تخلونه يعيش العمر ويتمتع
وانا بجمل له الزلات
وإذا كبر بحاسبه ..
على طاري ( ضحكتـك )
لو سمحت فسر المجهـول
ضحكتك ليـه تبحر بي ؟
وتبعدني عـن افكاري ؟
ضحكتك ..
اقسـم بربـي تشـرد عالمي المأهـول
وتاخذني بعيـد هناك عـن ربعي وعـن داري
قل كلام يشرح الخاطر او ارحل ..
لا
تطولها
وهي عندي
قصيره
لوتبي تزعل وانا مااخطيت ازعل..
وابتعد
مادامت
الدنيا
كبيره
ماانت الآخر في جحودك ولاانت الاول..
انت
واحد
من
بشر
شبه الجزيره !
في هالزمن ينولد إنسان
ويموت إنسان
وتقابل من هالبشر
ألوان ..
ناس ما ودك بشوفتها !
وناس أحلى من الورد
على الأغصان !
وكل يروح وتطويه جرة
النسيان !
وما يبقى غير غلا أطيب
إنسان !
أبنتظر ..
يمكن يمر على دمع الليل ..
يمكن يمر على رصيف الذكرى ..
يلملمني ..
يدور ملامح وجهي بين كفينه ..
يمكن يمكن ..
ايجيني شايل في قلبه .. حنين ..
ووله .. وعذر ..
أبنتظر ..
اخاف يمر ولا يلقاني .. انتظر
ويظن انه ما عاد له في القلب دار ..
وانا اللي بكل دار ..
اوقف في زحمة الطريق ..
اقلب وجوه الناس .. يمكن ألاقيه ..
وارتجي حروف اسمه ..
اخاف يمر .. ولا يلقاني ..
و أبنتظر ...
وش اسوي كان حظي شوكه وسط الكفوف
لالمست اللي احبه غصب عني بوجعه
قالوا ان الشمس تشرق بعد ميقات الكسوف
ظنتي ياخوي ليلي ماانخلق شمس معه..!
انا بالشوق محترق وحرقت صفحاتي
انا اللي ذقت الويل ومر ترحالك
انا التعيس فاقد حالة وموت احساسه
انا الطيب اللي محتاج علاجه
انا من غيرك كتاب يدور عنوانه
انا الشهيد لك قبل موته
يامكانه وش بيدي لو رحل..؟
من له بقلبي شوق وأنفاس...!
ومكانه كان جنبي...!
بسألك وش كان ذنبي..؟
أمنياتي وضحكته معنى حياتي..
من يلوم دموع عيني لو بكت ترجي
(حـــنانه)
لو تبسم أرخص الدنيا عشانه..!
يامكانه وش بيدي لو رحل..يامكانه...!؟
فديت من كان لغيابي يعاني
فديت أنا ممشاه وخطاويه
ماني بقاطع رجاه لو دهري
( جفــــــــاني )
هو تاج راسي وبعيني اداريه
شوفته تسوى كل عمري وزماني
وجرحه بدموع عيني اداويه
ودي اوصل لك رساله
من الـــــــــروح!!
تحمل لك اللي مانطق
به لســـــــــــاني!!!
واللي خفا بالقلب ماقدر
به ابــــــــــــوح!!
لكن ترى يظهر بعيني
حنــــــــــــــــاني!!
واحس بك في داخلي
وين مــــــااروح!!
ولاصرت جنبي صار
وقتي ثوانــــــــي!!
بسيطة كل الم جسمــي تحملته وانا اضحك لك
لكن الخوف يا يمـــه من احســاسٍ سكن فيني
يا حيـف الطـيب بالدنيا يضيع وينتهي عمــره
يمـــوت الطيب يا يمـــه وانا فـــقري يبكـيني
بين العرب جالس وبالقلب سجات،،
جسمي يشوفونه وقلبي خـلاوي..
عـزاه ياقلب تعذب ولا مات،،
بين الأمل واليأس دايم شـقاوي..
ولولا الرجا في شوفكم بعض الأوقات،،
لموت من الفرقا ولا لي مـداوي..!
رجعت بيوم ميلادي يا احلى صدفه بحياتي
انت حياتي ومعاك تكتمل ايامي
انت روحي ومعاك سنين عمري بزديادي
انت قلبي بكل ثانيه خفقاته تواالي
انت دنيتي يا اجمل ايامي وليلاتي
خـذ فـؤادي وآنـا راضيـه تجرحـه ..
لـي فـؤاد قد مـا تجرحـه مسمـوح ..
بـس سؤالـي الـلي ودي أطرحـه
هـو بقـى بي أي مكـان للجـروح ؟
ليـش دمعـي لانـزل ماتمسحـه ؟
وليـش دمعـك قبـل لاينـزل أنـوح ؟
فينـي حـب ماظنـك تلمحـه ..
ولـو لمحتـه ماتشـوفـه بوضـوح ..!
يا معلق الدمعــة
على شماعة البــعد إنتبه!
إن طاحت الشماعة
تطيح الدمــوع بلا سبب!
مات الأمل يوم غيري مسليك
عفت الحياه بيوم موت أمنياتي
ياموت سير لاتزود تغليك
عقب الغدر والصد عجل وفاتي
أكرهك ياموت لا كني أغليك
أنت الوحيد اللي يحقق نجاتي
ماكنت أظن يوم جرحي بيسليك
جسم بليا روح وش هي حياتي
لا تخاف حبيبي من كثرة المعجبين
والله ما في بقلبي حد بغلاك
أحس بحبك سكني قبل عمري بسنين
ملازمٍ روحي من قبل ما القاك
من يوم ما خلق ربي آدم وقبل التكوين
جبلني ربي من طينة وحدة معاك
ولو كثروا حولي الناس والمحبين
مكانك لك وحدك مو لحدٍ سواك
ومنزلتك بين الحنايا وداخل العين
لك سلامي
مثل ريح الرياحين
وشروا ورد
فاح طيب شذاها ..
لك سلامي
من فؤادي ملايين
كثر السحاب
وكثر ما هل ماها ..
وكثر التراب
وكثر ما تنظر العين
أكن في نفسي
لنفسك غلاها ..!
أسرق من الدمعه فرح
وأضوي من الظلمة شموع
أعزف من جروحي نغم
وأرسم مع الغربه رجوع
وأكتب مع يأسي أمل
أضحك وأنا بعيني دموع
أطلب من الله الصبر
وأركع لربي في خشوع
انزع من فؤادي ألم
وأخفي بأعماقي خضوع
ما قلت شيء
وش خليت ماقلته
اسكت
وخل الكلام لجرحي الدامي
لو غيرك اللي يسولف ما تحملته
لكن عشان عينك هانت الامي
اصبر علي شوي
لو دمي تثاقلته
بحاول استوعب
اللي صار قدامي
افرح اذا شفــت الفــرح في محيـاك
وتضيــق بـي الدنيــا إذا شــان بـــالك
اعطيــك عمـري يا عســاه يفــداك
وش هـي حيــاتــي لحظـة غيــابـك
جعـل ربي يا غلاي دوم يرعــاك
و جعـل الفرح في كل الأيـام فالك
علمني ليه يقتلني الغياب
ليه هو اللي يهزم مدمعي؟
ضعت بدروبه وليل الامس شاب
ماقدرت انساه وهودايم معي..؟
اقلب الصفحة وكل عمري كتاب
لاقريته مت باطراف اصبعي
اقفل ابواب الحزن
والجرح باب ينكسرقفله
ومفتاحه معي!
ليته شعور الناس يشبه شعورك ..
طيبة مع صدق ومشاعر وفيه ..
واللي أبد ما يعرفك ليته يزورك ..
ويشوف بعيونه خواطر نقيه ..
لا يوم فيها للملأ ظاهر قصورك ..
يكفي أنه البشر عنك رضيه ..
اهواك ماهي مواويل بها اتــــرنم
ترى المواويل هي اللى تغنينا
منا الوفا يا وفي الروح يتعلــم
كل التعابير تبحرمن شواطــــينا
حبيب عمري حياة القلب خل الهـم
تقسي الليالي ولكن ما تقســــينا
موضوع: تسميني الغــــــــــــلا 
الإثنين فبراير 25, 2008 10:01 pm
